أه من عيونك
لما حكتلي عن ما فيها

اه من ظنونك
لما قالتلي عن غيرتك
واللي بيها

اه من حبك
دا كواني وايه جرالي
من حكاويها

تعالي نجري
بين عيونا ونشوف
امانينا فيها



تعالي نلعب
وسط البساتين اللي بقلبك
وما يحلي الغناء
الا بنبضك يغنيها


تعالي جوايا
ها تلاقي دفا صدري
بيدور عليكي ويترااقص
وبين نبضاته يدفيها


يالا نطلع فوق السحاب
و قلوبنا تتلاقي
في لحظة عتاب

ويكون الحضن
وحبك هو الجواب
والدنيا حوالينا
بترقص استعجاب


دا احنا تلاقينا بلحظه
وكان فيها الف سؤال

ولما عرفنا بعضنا بهمسه
كانت العيون حكاويها دلال