لبدو نصيحة شاعر مثقف أبي
يسمع كلامي وحُر يقبل مطلبي
لحابب حياتو تكون حُب وإمتنان
ينقّي مرا للبيت عِلم مشرّبي
بتحمل ثقافة مدرسة فِكر وحنان
وشردت خيال لصوب جُبران النبي
مكياجها العقل وصلابة إتزان
والعِلم زيّنها بحِلّي مذهّبي
وبيصير بيتو وبيتها معبد أمان
عم تحرسو جيوش الفكر والموهبي
والرب واضع رحمتو بهاك المكان
بقلبو ملايكة السما عم تختبي
منها ما رح بتمل لحظة بها الزمان
ولا يوم رح بتقول كانت متعبي
اسمع نصيحة وقبل خوض الإمتحان
ومن قبل ما تشم الورد بالمسكبي
ومن قبل ما تخسر حياتك والرِهان
وتضل لابس ثوب حسرة معذّبي
نقي عروس تكون زهرة بيلسان
ويكون بييا كتاب إخوِتها الحروف
وتكون بِنت العِلم بِنت المكتبي
الشاعر: قاسم هاشم
