مكرونة بالخضار والفراخ

◦قطعى البصل حلقات رفيعه ( مش مبشور )
◦الجزر قطعيه شرائح طولية رفيعة (مش حلق أو مبشور)
◦الفلفل قطعيه حلقات رفيعه (مش مكعبات)
◦الفراخ تقطع شرائح طولية وتغسل وتصفى
◦ح تفرق ؟؟
◦ايوه طبعاً طريقة التقطيع ح تفرق
◦ضعى قليل من الزيت فى حلة على النار
◦ثم ضعى الفراخ وشوحيها شويه
◦وبعدين البصل والملح والفلفل والبهارات
◦وشمى احلى ريحة وشوحي المكونات كلها
◦وبعدين حطى الثوم
◦ثم الجزر والفلفل وقلبى كويس ..
◦ضيفى شويه ماء مش كتير .. وسيبى الخلطة دى تستوى
◦وتشرب الماء وأطفى عليها

◦أسلقى المكرونة وصفيها كويس
◦أعملى الباشمل خفيييييييييييف (مكون من دقيق وسمن ولبن وملح وفلفل)
◦وضيفى له شويه جبنه مبشورة فى الآخر
◦هاتى طبق فرن وحطى فيه المكرونة وقلبى معاها خلطة الفراخ
◦ثم صبي الباشمل فوقها وقلبي
◦بحيث أن المكرونة تبقى عايمة فى الباشمل
◦ورشى شويه جبنه فوق الوش
◦ودخليها تحت الشواية لغاية لما الوش يحمر
◦حوالى 10 دقائق مش أكتر