وراك الدجاج المحشية

* نجيب الوراك المخلية ونتبلها بالتتبيلة السابقة من بالليل يعنى قبل ما نعملها ب 12 ساعة ونحط معاها الكبدة والقونصة *نقطع الكبدة والقونصة قطع صغيرة ونشوحها فى معلقتين زبدة او زيت بشوية فلفل وبعدين ناخد شوية من تتبيلة الوراك حوالى معلقتين تلاتة كدة ونقلب ونضيف الكارى او الكركم حوالى معلقة بعد كدة نضيف الارز ونشوحة معاهم نضيف ربع كوب ماء ونهدى النار حوالى عشر دقائق وبعدها نطفى * نبدأ نحشى الوراك بالارز نفرد الورك على ورقة فويل بس احنا بنشد الجلدة بتاعت الورك لحد الحرف ونحط الرز ونغطي الارز بالجلد اللي شدناه * نلفها كويس فى ورقة الفويل ونقفلها قوى

* قبل ما نبدأ الحشو نكون حطينا على النار حلة فيها ماء وبصلة مقطعة وطمطماية مقطعة وورقتين لورا وشوية ملح وفلفل لسلق الوراك ولما تغلى نحط فيها الوراك * ونسلقها حوالى نصف ساعة بس علشان الارز ميعجنش ولما تستوى نطلعها من الورق الفويل ونحطها فى الصينية اللى هتدخل الفرن * بعد كدة نجيب الصلصة ونحط عليها نصف كوب ماء وشوية ملح وفلفل ونسقى بيها الوراك * ندخلها الفرن لحد ما تحمر