2016-06-08T13:13:05+00:00
خرجت الفنانة المصرية مي عز الدين بعد يومين من انطلاق ماراثون الدراما الرمضاني لعام 2016، وكشفت تفاصيل بينها وبين إدارة الـ MBC التي صممت على عرض مسلسل “وعد” على قناة MBC مصر2.
مي تشرح السبب
نشرت مي عز الدين عبر حسابها الرسمي بفيس بوك قائلة :”طيب أنا قضيت اليومين اللي فاتو بحاول أطالب إدارة قنوات Mbc مصر بزيادة إعادات المسلسل وعرضه علي قناة Mbc مصر كمان لأنه بيتعرض علي Mbc مصر 2 فقط و دي ناس كتير مكانتش تعرفها ولا منزلاها وهو المسلسل الوحيد((( اللي من إنتاج شركة تابعة ليهم و بالتالي كان من المنتظر الإهتمام بعرضه علي قنواتهم الإثنين )) و مع ذلك مش راضيين يخلوه بيتعرض علي القناتين بتوع Mbc مصر و سايبينه علي Mbc مصر 2 بس”.
مي تطلب مساعدة الجمهور
وأضافت مي : “وفي الآخر الرسالة الوحيدة اللي وصلتني إن ده مقصود علشان دي الفرصة إن القناة تتعرف !!! يعني انا كده مطلوب مني أقوم قناة لوحدي !!! تمام و انا بقول ل Mbc قبلت المسؤلية و بإذن الله ربنا يكرم و القناة و المسلسل يتشافو و الحمدلله فيه علامات باينة من كم الإعلانات اللي جه من بعد اول حلقة للمسلسل و غيره وانا هعتبره إمتحان ليا يعرفني قدري عند الناس و هل فعلا بيحبو مسلسلاتي أو لا و نسبة الجماهيرية اللي وصلتها ايه مع اني مهما كان ليا جمهور اكيد كنت اتمني اني اتشاف من الناس اللي مش من جمهوري لأن ساعات بتكون كمشاهد ملكش في ممثل لكن لو قابلت حلقة لمسلسله بالصدفه و عجبتك بتقرر تتابعه و ده في الاخر بيبقي خلاني كسبت مشاهد جديد بقي بيحب يتفرج علي اعمالي و ده طبعا مش هيحصل السنة دي لأن مفيش حد بيبقي معدي و بيشوف القناه دي بالصدفة”.
وتابعت مي حديثها: “الناس لسه اصلا بتتعرف علي طريقها من خلالنا و بينزلوها … لكن قدر الله و ما شاء فعل و بالتالي عندي طلبين اولا بطلب من جمهوري و روابط الفانز بتاعتي تساعدني في نشر تردد القناه لكل الناس اللي مش عارفة تجيبها و بطلب من صحافتنا تشهد انا بدأت رمضان بقناة كم الناس اللي عارفها قد ايه و صفحتها حتي علي الفيسبوك فيها كام و بعد رمضان تقولولي بأمانة هل قدرت فعلا في ظل الظروف دي أنجح ولا لأ. ومتابعة نسبة مشاهدة القناة علي اخر رمضان هتكون وصلت لأيه و مشاهدة المسلسل علي موقع شاهد دوت نت وصلت لأيه لأنه المكان الوحيد اللي الناس تقدر تشوف الحلقة فيه لو موصلوش للقناة. شهادة الصحافة و الجمهور ساعتها تعويض يكفيني”.
تراجع نجومية مي
واعتقد البعض أن السبب وراء عرض مسلسل “وعد” بقناة Mbc مصر 2 ليس كما فسرت النجمة المصرية لشهرة القناة على حساب مسلسلها، ولكن لعدة أسباب منها لتراجع نجوميتها، فأصبحت عز الدين متهمة من قِبل البعض بأنها محدودة الموهبة، وأيضًا ربما لاحتواء مسلسل وعد على بعض المشاهد التي أثارت غضب الكثير من المشاهدين حتى أن هناك قضية مرفوعة ضد عز الدين تُدينها بوجود مشاهد خادشة للحياء بمسلسلها، وهناك أمر أخر قد يجعل مسلسل مي عز الدين لم يحظى بنسبة مشاهدة عالية وهي أن مواعيد عرضه بـMbc مصر2 في نفس مواعيد مسلسل مأمون وشركاه للزعيم عادل إمام عبر شاشة Mbc مصر1.
