علا الفارس شاركت جمهورها بتفاصيل عمليتها الجراحية

خضعت الأردنية ​علا الفارس​ لعملية جراحية في ظهرها حيث سافرت لإسبانيا لإتمام الإجراءات الطبية  وكانت قد شاركت جمهورها عبر حسابها الرسمي انستغرام أنها أتمت العملية بنجاح واليوم قامت بنشر مقطع فيديو يظهر تفاصيل العملية، حيث وظهرت الفارس داخل المستشفى وأثناء نقلها إلى غرفة العمليات، وأثناء خروجها من العمليات ونقلها إلى غرفتها.

    شاهدي تفاصيل عملية علا الفارس من هنا

 وعلقت علا الفارس على الفيديو :”الحمدلله عملت العملية انزلاق الغضروف والدِيسْك في الظهر العامود الفقري بعد معاناة سنة كاملة ولأنها عملية دقيقة وأي خطأ فيها ممكن تدفع ثمنه باقي عمرك ولكل الي سالوني … برجع بقول اسالوا منيح ما تسلموا حالكم لأي حد العلم والطب تطور صارت الأمور اسهل”.

وتابعت :”واهم درس انه مرحلة بعد العملية اهم شيء النقاهة وما تتحركوا كتير وتشربوا الدوا وطبعا يختلف حسب الجسم انا هلا لسه في الريكوفري بس الحمد لله بألف خير وعم بعمل علاج طبيعي لأقدر امشي واقعد بكل أريحية … بدي اعترف اني ما بحب الضعف ولما شفت غرفة العمليات بكيت يمكن لآني ما بحب اشوف حالي ضعيفة … بس بروفسور غسان كان كتير رائع وحسسني بالأمان وهذا اهم شي ان الطبيب يريح مريضة قبل وبعد العملية فتحية لكل إنسان مثلة لسه عنده شرف و حب المهنة”.

ووجهت لطبيبها الشكر قائلة :”شكرا كتير بروفيسور انت اخ وصديق وانسان محترف … شكرا لاخوي ومرته لكل اهلي هون في مدريد الي جننتهم وتعبتهم معي … شكرا متابعيني الصادقين الي عاشوا معي الأسبوع الصعب وما وقفوا سؤال عني .. والحمدلله حتى يبلغ الحمد منتهاه… كل يوم بعرف قيمة كتير أشياء لكن طول عمري بتمنى الصحة والعافية لانها هي الأساس ….. وأكثر دعاء رددته هو ان الله يطول بعمر امي واخواني .. رح اضل أقلكم اهلكم اهلكم همه بس الأصدق في قوتكم كما ضعفكم ما بغيرهم الزمن … انشاء الله تكونوا دائما بخير”.